O‘zbekiston prezidentining Markaziy Osiyo davlatlari rahbarlari Maslahat uchrashuvidagi ishtiroki, Qarshidagi shifoxona lifti shaxtasidan ayol jasadi topilishi, Yaponiya bosh vazirining O‘zbekistonga tashrifi qoldirilishi — “Daryo” nashri bugun, 9-avgustda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Eng arzoni Sergeli, Olmazor, Uchtepa tumanlarida: Toshkentda uy-joy ijara narxlari tahlil qilindi
Iyul oyida o‘rtacha va to‘liq ta’mirlangan xonadonlar uchun ijara narxlari o‘rganildi.
Qarshidagi shifoxona lifti shaxtasidan ayol jasadi topildi
Ayol 20 soat avval ishlamayotgan lift shaxtasiga tushib ketgan.
Xorazmdagi zavodda 4,7 mlrd so‘mlik elektr energiyasi o‘g‘irlangani aniqlandi
Korxona rahbariga nisbatan jinoyat ishi qo‘zg‘atildi.
Qashqadaryoda fuqaroni 55 ming dollar evaziga mansabdor qilishni va’da bergan Barkamol avlod markazi direktori 6 yilga qamaldi
2024-yil 11-fevral kuni qo‘lga olingan direktorga shu yilning 6-avgust kuni hukm o‘qildi.
Shavkat Mirziyoyev Markaziy Osiyo mamlakatlari milliy ID-kartalarini o‘zaro tan olish taklifini ilgari surdi
O‘zbekiston prezidenti bu taklifni Markaziy Osiyo davlatlari rahbarlari Maslahat uchrashuvida kiritdi.
“Biz sanksiyalar siyosatining asiriga aylandik” — Shavkat Mirziyoyev
Prezident strategik hujjat — Mintaqaviy xavfsizlik va barqarorlikni ta’minlash konsepsiyasini ishlab chiqishni taklif etdi.
Shavkat Mirziyoyev Markaziy Osiyo davlatlari rahbarlarining faxriy nishoni bilan taqdirlandi
Ushbu faxriy nishon mintaqa davlatlari o‘rtasidagi do‘stlik, qo‘shnichilik va o‘zaro anglashuvni rivojlantirishdagi alohida xizmatlari uchun berildi.
Shavkat Mirziyoyev Serdar Berdimuhamedov bilan uchrashuv o‘tkazdi. Nimalar muhokama qilindi?
Hududlararo aloqalarni kengaytirish va madaniy-gumanitar almashinuv dasturlarini faollashtirish muhimligi qayd etildi.
Qoraqalpog‘istonda mahallalar o‘tkazgan 10 mlrd so‘mga yaqin tender savdolarida qonunbuzilishlar aniqlandi
O‘rganish natijalariga ko‘ra, 48 ta holatda ish qo‘zg‘atilib, tegishli choralar ko‘rildi.
O‘zbekiston TIVga Yaponiya elchisi Xatori Takashi tashrif buyurdi
Elchi Yaponiya bosh vazirining O‘zbekistonga tashrifi qoldirilgani haqidagi rasmiy notani topshirdi.
Shavkat Mirziyoyev Olimpiada chempionlari Ulug‘bek Rashitov va Hasanboy Do‘smatov bilan telefon orqali muloqot qildi
Davlat rahbari sportchilarni qizg‘in tabriklab, terma jamoa tomonidan bir kun ichida Olimpiadaning ikkita oltin medali qo‘lga kiritilgani O‘zbekiston sporti uchun tarixiy voqea bo‘lganini katta mamnuniyat bilan qayd etdi.
Izoh (0)