Hech kimga sir emaski, saroydagi hayot asrlar davomida ishlab chiqilgan qat’iy protokol qoidalariga bo‘ysunadi. Quyida Britaniya monarxiyasining homiladorlik va bolalar bilan bog‘liq an’analari haqida ma’lumot beramiz.
Qirollik oilasida kamida ikki bola dunyoga kelishi kerak
Gap shundaki, qirollik oilasiga mansub er-xotin kamida ikkita farzandga ega bo‘lishlari kerak — merosxo‘r va “zaxira” bola. Albatta, 2 tadan ko‘p farzandli bo‘lish ixtiyoriy — hozircha qirollik oilasida 4 nafar farzandni dunyoga keltirgan yagona odam Yelizaveta II. Ammo Kembrijlar oilasida uchinchi merosxo‘r tug‘ilgach, ular kelajakda marhum monarxdan o‘rnak olishga qaror qilishadi, deb taxmin qilishga asos bor.
Bolaning jinsi oxirigacha sir saqlanadi
Britaniya qirollik oilasida tug‘ilmagan bolaning jinsini e’lon qilish qat’iyan man etiladi. Jamoatchilik kelajakdagi merosxo‘rning jinsi haqida bo‘lajak ona kiygan kiyimlarga qarab taxmin qiladi. Bir so‘z bilan aytganda, bu yangilik oxirigacha sir saqlanadi.
Tug‘uruq jarayonida ota ishtirok etmaydi
Tarixan qirollik a’zolari uyda tug‘ilgan va chaqaloqning otasi xotinining yonida bo‘lishi taqiqlangan. Aytgancha, malika Diana uyda tug‘ilish qoidasini buzgan birinchi ayol edi. Biroq bugungi kunda ham ko‘p asrlar oldin bo‘lgani kabi merosxo‘rlar tug‘ilayotganda erkaklar rafiqasining yonida bo‘lmaydi.
Homiladorlik haqida 12 haftadan keyin ma’lum qilinadi
Vindzor onalari uchinchi oygacha buni sir saqlashlari kerak, ammo Kembrij gersoginyasi Keyt bu qoidani buzadi. Rasmiy tadbirlarda qatnasha olmagani uchun muddatidan oldin bu haqda e’lon qilishga majbur bo‘ladi. Buning sababi toksikozning juda kam uchraydigan va xavfli shakli bo‘lib, Ketrin homiladorligining har birida bundan azob chekkan.
Bolaning tug‘ilishi o‘ziga xos tarzda e’lon qilinadi
Gap shundaki, qirollik oilasida chaqaloq tug‘ilganda, Bukingem saroyi oldiga unga tegishli bayonet yozilgan katta zarhal molbert qo‘yiladi. Ilgari qog‘ozga qo‘lda yozilgan va ruhoniyning imzosi talab qilingan, bugungi kunda u chop etiladi.
Yana bir an’anaga ko‘ra navbatdagi qirollik avlodining tug‘ilishi norasmiy jarchi tomonidan ma’lum qilinadi. Hozirgi kunda bu lavozimni Toni Applton egallab turibdi — aynan u 2013 va 2015-yillarda Jorj va Sharlotta tug‘ilganini e’lon qilgan. Shuningdek, u Kembrij gersoginyasining uchinchi farzandi dunyoga kelishini ham e’lon qildi.
Qirollik bolalari to‘rtta ismga ega bo‘lishi mumkin
Shahzoda Jorjning to‘liq ismi — Jorj Aleksandr Lui, malika Sharlotta — Sharlotta Elizabet Diana va Kembrij gersogi Uilyam — Artur Filipp Luis. Odatda buyuk Britaniya monarxlari va qarindoshlarining ismlari merosxo‘rlarning ismlarida aks etadi. Ammo qirollik avlodlari Vindzor (yoki Mountbatten-Vindzor) familiyasidan deyarli foydalanmaydi (masalan, maktabda shahzoda Jorj), agar bu juda zarur bo‘lsa unda unvoni qo‘shib aytiladi. Masalan, Uilyam va Garri maktabda “Uelsliklar”, Jorj esa “Kembrijlik” familiyasiga ega.
Izoh (0)