Andijon viloyatida 158,6 ming kub metr qum-shag‘al aralashmasini o‘zboshimchalik bilan qazib olish holati aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, Buloqboshi tumanida faoliyat yurituvchi “O.A.” MCHJ masʼul shaxslari foydali qazilmalarni qazib olish faoliyati bilan shug‘ullanish uchun ajratilgan “Obod” qum-shag‘al aralashmasi koni chegarasidan tashqariga chiqib, 158,6 ming kub metr qum-shag‘al aralashmasini o‘zboshimchalik bilan qazib olgan.
Natijada davlat va jamiyat manfaatlariga 1,7 mlrd so‘m zarar yetkazilgan, shuningdek, soliq solinadigan obyektlarni qasddan yashirish orqali 1,1 mlrd so‘m soliq to‘lashdan bo‘yin tovlagan.
Mazkur holatlar yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)