Xitoyda yangi kasblarning rasman paydo bo‘lishi mamlakat Inson resurslari va ijtimoiy xavfsizlik vazirligining maxsus bayonotida ma’lum qilindi.
“Ro‘yxatda jami 19 ta element mavjud. Ularning aksariyati raqamli iqtisodiyot va yangi sanoat sohalariga qaratilgan”, deb yozadi South China Morning Post.
Yangi kasblarni tasdiqlash Xitoyda o‘tgan yilning oxirida muhokama qilina boshlagan, biroq faqat 31-iyul kuni ro‘yxat rasman e’lon qilingan. Yangi kasblar qatoriga onlayn-strimer, aqlli avtomobil sinov haydovchisi, sun’iy intellektni qo‘llash bo‘yicha mutaxassis, madaniy ishlab chiqarishni rejalashtirish va ekspluatatsiya bo‘yicha muhandis, aqlli ishlab chiqarish tizimlari ma’muri va bioinjeneriya bo‘yicha texnik kiradi.
“Yangi kasblarni yaratish ish o‘rinlarini rivojlantirish, kasb-hunar ta’limi va o‘qitishni yo‘lga qo‘yish, xodimlarning mehnat standartlarini oshirish, bandlik va tadbirkorlikni rag‘batlantirishda katta ahamiyatga ega”, deyiladi Xitoy Inson resurslari va ijtimoiy xavfsizlik vazirligi rasmiy bayonotida.
Sinxua davlat axborot agentligi ham yangiliklarni sharhlab, yangi kasblarni tan olish “ushbu lavozimdagi odamlarning ish joyida tajribaga kirishish hissini oshirishi”, bu ularga “milliy siyosatning tegishli imtiyozlaridan foydalanish” imkonini berishi mumkinligini aytgan.
Onlayn-striming Xitoyda haqiqatan ham jadal rivojlanmoqda. Turli xil mahsulotlarni jonli efirda sotish ayniqsa mashhur bo‘lgan. Nashrning ta’kidlashicha, kasb mehnat bozoriga sezilarli ta’sir ko‘rsatmoqda.
Izoh (0)