Ijtimoiy tarmoqlarda Toshkent shahri Mirzo Ulug‘bek tumani “Yangi Kamolot” mahallasidagi atrofi o‘ralgan ochiq maydonda yong‘in sodir bo‘lgani haqida xabarlar tarqaldi. Holat yuzasidan tuman hokimligi matbuot xizmati izoh berdi.
Maʼlum qilinishicha, yong‘in ochiq maydonda qurigan o‘tlarning yonishi oqibatida sodir bo‘lgan. 100 kv/m maydon yongan hamda mavjud daraxtlarga ham jiddiy zarar yetgan.
Ayni damda ushbu yong‘in oqibatlari bo‘yicha tergovga qadar tekshiruv ishlari olib borilmoqda.
“Shu bilan bir qatorda Toshkent shahar va Mirzo Ulug‘bek tumani ekologiya va atrof muhitni muhofaza qilish bo‘limi xodimlari tomonidan tabiatga yetkazilgan zarar o‘rganilayotganini maʼlum qilib o‘tamiz”, deyiladi xabarda.
Izoh (0)