Turkiya hukumati agar Meta kompaniyasi uzr so‘rasa, Instagram’ni blokdan chiqarishga tayyor.
Bu haqda Turkiya transport va infratuzilma vaziri Abdulqodir O‘ralo‘g‘li Anqarada ma’lum qildi.
U Instagram Ismoil Haniyaning o‘limi to‘g‘risidagi ba’zi postlarni ogohlantirishsiz o‘chirib tashlaganini aytib o‘tdi.
Vazirning qo‘shimcha qilishicha, muhokamalar davom etmoqda va jarayon nazorat ostida.
Ma’lumot uchun, 2-avgust kuni Turkiya Instagram’ga kirishni yopgan edi. Bunga platforma HAMAS yetakchisi Ismoil Haniya haqidagi postlarni bloklagani sabab qilib ko‘rsatilgan.
Izoh (0)