O‘zbekistonlik yunon-rum kurashi ustasi Rustam Assakаlov (-97 kg) ham Parij—2024 yozgi Olimpiya o‘yinlarida muvaffaqiyatli start oldi. Unga 1/8 final bosqichida gonduraslik Kevin Mexiyan raqiblik qildi. Assakalov Mexiyanni mag‘lub etib, chorak finalga yo‘l oldi.
Ushbu bosqichda unga armanistonlik Artur Aleksanyan raqiblik qiladi.
Avvalroq O’zbekiston terma jamoasi a’zosi Aram Vardanyan Parij—2024 yozgi Olimpiya o‘yinlarinining dastlabki bahsida misrlik Mahmud Abdulrahmondan ustun kelib, chorak finalga yo‘l olgan edi.
O‘zbekistonlik sportchilar yana bir dastur — ayollar kurashida ham debyut qildi. Aktenge Keunimjayeva (-50 kg) 1/8 finalda ukrainalik Oksana Livach bilan bellashdi. Bahs Livachning g‘alabasi bilan yakunlandi. Endi u finalgacha yetib borgan taqdirda Aktenge bronza medali uchun kurashish imkonini saqlab qoladi.
Izoh (0)