Toshkentning ikki tumani hududida gaz ta’minoti vaqtincha to‘xtatiladi

Taʼmirlash ishlari tufayli Olmazor va Shayxontohur tumanlarining qator hududlariga 5-avgust kuni soat 10:00 dan 17:30 gacha tabiiy gaz yetkazib berish vaqtincha to‘xtatiladi. Bu haqda “Hududgaz Poytaxt” xabar berdi.

Olmazor tumani:

• aholi isteʼmolchilari — “Hastimom” MFYdagi 197 ta yerli xonadon;
• ulgurji isteʼmolchilar soni — 2 ta.

Shayxontohur tumani:

• aholi isteʼmolchilari — “Gulbozor” MFYdagi 85 ta yerli xonadon, 65 ta kottej, 3 ta ko‘p qavatli uylardagi 244 ta xonadon;
• ulgurji isteʼmolchilar soni — 12 ta.

Taʼmirlash ishlari tugatilgandan so‘ng, tabiiy gaz taʼminoti qayta tiklanadi. Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.

Eslatib o‘tamiz, taʼmirlash ishlari tufayli Bektemir tumanining “Musaffo”, “Nurli yo‘l”, “Sohil” va “Oltintopgan” MFYlariga 2-avgust kuni tabiiy gaz yetkazib berish vaqtincha to‘xtatilgan edi.