2024-yilda Parijda bo‘lib o‘tayotgan Olimpiya o‘yinlarining erkaklar o‘rtasida 100 m masofaga yugurish bo‘yicha final bahsi bo‘lib o‘tdi. Oltin medal taqdirini soniyaning besh mingdan bir qismi hal qildi. Olti karra jahon chempioni amerikalik yuguruvchi Noa Laylz faoliyatida ilk bor Olimpiada chempioniga aylandi. U 9,79 ko‘rsatkichni qayd etib, eng yaxshi shaxsiy natijasini qayd etdi.
Yamaykalik sportchi Kishane Tompson kumush medalni qo‘lga kiritdi. U ham xuddi shunday natijani ko‘rsatdi — 9,79. Fotofinish yakunda soniyaning besh mingdan bir qismida Laylzning ustunligini qayd etdi.
Avvalroq, sen-Lyusiyalik Julien Alfred kutilmaganda ayollar o‘rtasida 100 m masofaga 10,72 ball bilan Olimpiada chempioniga aylangandi. Musobaqaning asosiy favoriti hisoblangan amerikalik Sha'Karri Richardson kumush medalni qo'lga kiritdi.
Amerikalik Fred Kerli 9,81 ball bilan bronza medaliga sazovor bo‘ldi.
2020-yilgi Olimpiya chempioni Lamont Marsel Jeykobs 9,85 natija bilan beshinchi o‘rinni egalladi.
Laylzning oltin medali AQSh terma jamoasining 2024-yilgi Parij Olimpiadasidagi 19-oltin medali bo‘ldi. Uning g‘alabasi evaziga AQSH medallar jadvalida Xitoy terma jamoasini ortda qoldirib, birinchi o‘ringa ko‘tarildi.
Tompson Yamaykaga Olimpiadadagi uchinchi medalni taqdim etdi.
Izoh (0)