Fransiyaning Parij shahrida yozgi Olimpiada o‘yinlari doirasida futbol musobaqasidan o‘rin olgan yarim final o‘yini bo‘lib o‘tdi.
Yarim finalda Ispaniya Marokashga qarshi bahs olib bordi. Uchrashuvning 37-daqiqasida Marokash futbolchisi Rahimi penaltidan unumli foydalanib, hisobni ochdi. Bo‘lim marokashliklarning kichik ustunligida yakunlandi.
Ikkinchi bo‘limda esa ispanlar “o‘ziga keldi”. 65-daqiqada Fermin Lopes muvozanatni tikladi. 85-daqiqada Sanches Ispaniyaning ikkinchi goliga mualliflik qildi.
Qolgan daqiqalarda darvozalar ishg‘ol etilmadi va Ispaniya final yo‘llanmasini qo‘lga kiritdi.
Ikkinchi yarim finalda Misr va Fransiya o‘zaro to‘qnash keladi. Uchrashuv 5-avgustdan 6-avgust kuniga o‘tar kechasi bo‘lib o‘tadi.
Parij—2024.
Yarim final
5-avgust, dushanba
Marokash — Ispaniya 1:2
Gollar: 1:0 – 37 Rahimi (penalti), 1:1 – 65 Lopes, 1:2 – 85 Xuanlu Sanches.
Marokash U-23: Muhammadi, El-Uaxdi, Bukamir (Mauxub, 88), Hakimi, El-Azzuzi, Targallin, Richardson, Ben-Segir, Ezzalzuli, Ahomash, Rahimi.
Ispaniya U-23: Tenas, Miranda (Migel Gutyerres, 62), Kubarsi, Erik Garsiya, Pubil (Xuanlu Sanches, 62), Aleks Baena (Omorodion, 90+1), Barrios (Bernabe, 62), Serxio Gomes, Lopes (Turrentes, 89), Oros, Abel Ruis.
Ogohlantirishlar: Tenas (37), Rahimi (37), Lopes (67), Bernabe (72), Richardson (76).
Izoh (0)