Moldova parlamenti deputati, qishloq xo‘jaligi va oziq-ovqat sanoati bo‘yicha komissiya raisi o‘rinbosari Yuriy Pasat ari chaqishi oqibatida anafilaktik shokdan vafot etdi, deya “Harakat va birdamlik” hukmron partiyasi (PDS) matbuot xizmatiga tayanib, “RIA Novosti” xabar berdi.
Biz hamkasbimiz, qishloq xo‘jaligi va oziq-ovqat sanoati bo‘yicha komissiya raisining o‘rinbosari Yuriy Pasatning vafot etgani haqida ma’lum qilamiz. O‘lim bugun ertalab ari chaqishi natijasida yuzaga kelgan anafilaktik shok tufayli yuz berdi, deyiladi partiyaning Facebook ijtimoiy tarmog‘idagi sahifasiga joylagan postida.
Partiyada Pasat o‘z ishiga fidoyilik bilan yondashgani, o‘zini mehnatsevar va halol hamkasb sifatida isbotlagani qayd etilgan. Partiya deputatning oila a’zolari va yaqinlariga hamdardlik bildirgan.
Izoh (0)