Fransiyaning Parij shahrida yozgi Olimpiada bahslari davom etmoqda.
Futbol musobaqasining yarim finalida Ispaniya va Marokash o‘rtasidagi uchrashuv bo‘lib o‘tmoqda. 21:00 da start olgan yarim final o‘yinini Ilgiz Tantashev boshchiligidagi o‘zbekistonlik hakamlar guruhi boshqarib bormoqda.
Uchrashuv davomida Tantashev jarohat oldi va maydonni tark etdi. Uning o‘rniga endi shvetsiyalik zaxira hakami o‘yinni boshqarmoqda.
Ushbu bahs Tantashev boshchiligidagi hakamlarning Parijdagi musobaqadagi to‘rtinchi o‘yini bo‘ldi. O‘zbekistonlik hakamlar guruh bahslarida Fransiya—Gvineya hamda Paragvay—Mali uchrashuvlarini boshqardi. Shuningdek, chorak finaldan o‘rin olgan Fransiya—Argentina bahsida ham o‘zbekistonlik hakam va uning jamoasi ishlagandi.
Izoh (0)