AQSH davlat kotibi Entoni Blinken G7 davlatlari TIV rahbarlariga Eron va Livan “Hizbulloh” harakatining Isroilga hujumi dushanba kuniyoq boshlanishi mumkinligini aytdi, deya Axios xabar berdi.
Blinken G7 hamkasblariga Eron va “Hizbulloh”ning Isroilga hujumi dushanba kuniyoq boshlanishi mumkinligini aytdi, deyiladi xabarda.
Portalga maʼlum qilishicha, Blinken Qo‘shma Shtatlar Eron va “Hizbulloh” javob qaytarishiga ishonadi, ammo “qasos qanday shaklda bo‘lishi hozircha aniq emas”. Shu bilan birga, manbalarga ko‘ra, Blinken AQSH ehtimoliy hujumning aniq vaqtini bilmasligini, lekin uning keyingi 24-48 soat ichida boshlanishi mumkinligini ta’kidlagan.
Shuningdek, manbalarga ko‘ra, Blinken G7 tashqi ishlar vazirlariga mintaqadagi AQSH qo‘shinlari sonining ko‘payishi “sof mudofaa maqsadlarini” ko‘zlayotganini aytgan.
Avvalroq Pentagon Yaqin Sharqda keskinlik kuchayib borayotgan bir paytda Qo‘shma Shtatlar o‘z kuchlarini moslashtirishga tuzatishlar kiritayotgani, mamlakat mintaqaga yangi aviatashuvchi zarbalar guruhini yuborayotgani, shuningdek, u yerda qo‘shimcha raketa hujumiga qarshi mudofaa tizimlarini joylashtirishini ma’lum qilgandi.
“Hizbulloh” yetakchisi Hasan Nasrulloh harakatning yuqori darajali qo‘mondoni Fuad Shukr halok bo‘lgani munosabati bilan Livan qarshilik harakati Bayrutning janubiy chekkalariga berilgan zarbadan so‘ng Isroil bilan kurashning yangi bosqichiga o‘tishini aytgan.
NBC News ismini oshkor etmagan isroillik mulozimga tayanib, yahudiy davlati HAMAS siyosiy byurosi rahbari Ismoil Haniya va shia “Hizbulloh” harakati qo‘mondoni Fuad Shukr o‘ldirilganidan keyin Eron va shia “Hizbulloh” harakati tomonidan ehtimoliy ko‘p kunlik hujumga tayyorlanayotgani haqida xabar bergan.
Izoh (0)