Respublikachilar partiyasidan prezidentlikka nomzod Donald Tramp o‘zining demokrat raqibi Kamala Harrisning 4-sentyabr kuni o‘tkaziladigan debatda qatnashishni istamasligini uning “IQ darajasi past” ekanligini bilan izohladi.
Avvalroq AQSH vitse-prezidenti, demokrat Kamala Harrisning saylovoldi shtab-kvartirasi Donald Trampning 4-sentyabr kuni Fox News telekanalida debat o‘tkazish taklifini rad etgan edi.
Kamala Harris menga qarshi 4-sentyabr kuni Pensilvaniyada rejalashtirilgan haqiqiy debat o‘tkazishga aqliy salohiyatga ega emas. U telepromptersiz to‘g‘ri gapira olmaydi. Uning IQ darajasi nihoyatda past, deb yozdi Tramp o‘zining Truth ijtimoiy tarmog‘ida.
Respublikachining so‘zlariga ko‘ra, vitse-prezident Fox News telekanalidagi munozaraga kelishdan qo‘rqadi, chunki u ochiq chegaralar siyosatini, inflyatsiya va amaldagi prezident Jo Baydenning ma’muriyatini tavsiflovchi AQSH Federal zaxira tizimining yuqori asosiy stavkasini himoya qila olmaydi.
Trampning fikricha, Harris kabi nomzodlar bilan Qo‘shma Shtatlar dunyodagi o‘z buyukligini tiklash imkoniyatiga ega bo‘lmaydi.
Tramp va Harris bir necha haftadan beri bahsning sanasi va kanali borasida kelisha olmayapti. Bahslarning ikkinchi raundi dastlab 10-sentyabr kuni ABC telekanalida bo‘lib o‘tishi kerak edi. O‘shanda rejalar AQSHning amaldagi prezidenti Jo Baydenning ishtirokini o‘z ichiga olgan edi.
Shu munosabat bilan Tramp avvalgi kelishuvlar o‘z ahamiyatini yo‘qotganini aytib, ABC telekanalini demokratlarga yonbosishda va soxta xabarlar tarqatishda ayblagan.
Izoh (0)