Nukus shahrida aliment to‘lashdan bosh tortgan shaxs 15 sutkaga qamaldi. Bu haqda O‘zA xabar berdi.
Fuqarolik ishlari bo‘yicha Nukus tumanlararo sudining 2023-yil 27-yanvardagi ijro hujjatiga asosan undiruvchi S.S.ning foydasiga tarbiyasidagi ikki nafar farzandining taʼminoti uchun qarzdor T.Y.ning har oydagi jami daromadining 1/3 qismi miqdorida aliment undirish belgilangan.
Mazkur ijro hujjati bo‘yicha qarzdor T.Y. tomonidan aliment to‘lashdan bosh tortib kelganligi sababli unga nisbatan maʼmuriy chora ko‘rish bo‘yicha Jinoyat ishlari Nukus shahar sudiga ish hujjatlari yuborildi.
Natijada qarzdor T.Y.ga 15 sutka maʼmuriy qamoq jazosi tayinlandi.
Izoh (0)