Germaniyadagi federal hudud bo‘lgan Turingiya bosh vaziri Bodo Ramelov Yevropa davlatlarini Rossiya bilan hujum qilmaslik to‘g‘risida shartnoma hamda mudofaa birlashmasini tuzishga chaqirdi.
Barcha ishtirokchi davlatlar hujum qilmaslik to‘g‘risida pakt tuzishlari va Yevropa qit’asidagi mojarolarni hal qilishga e’tibor qaratadigan mudofaa hamjamiyatini shakllantirishlari kerak, dedi Ramelov.
Uning aniqlik kiritishicha, u NATO mamlakatlari ittifoqiga qarshi emas, lekin u Yevropa mudofaasini qayta tashkil etishga qarshi.
Germaniyaga milliy mudofaasi uchun armiya kerak. Shuning uchun men Bundesver yaxshi jihozlangan bo‘lishini qat’iyan yoqlayman. Ammo biz butun Yevropa haqida o‘ylashimiz kerak, Rossiya ham buning bir qismi, deya ta’kidlagan bosh vazir.
Avvalroq Germaniya TIV rahbari Annalena Barbok Rossiyani Yevropa uchun eng katta tahdid deb bilishini aytgan. Mamlakat mudofaa vaziri Boris Pistorius ham bu haqda gapirib, “Rossiyaning haqiqiy tahdidi” tufayli harbiy byudjetni oshirishga chaqirgan.
Shu bilan birga, YI diplomatiyasi rahbari Josep Borrel Yevropa Ittifoqining barcha davlatlari ham Rossiyani ekzistensial tahdid deb hisoblamasligini ta’kidlagan.
Rossiya TIV rahbari Sergey Lavrov Rossiyaning Yevropada hech qanday tajovuzkor yoki bosqinchilik rejalari yo‘qligini ma’lum qilgan.
Izoh (0)