Octobank 2023-yilning avgust oyida brendni yangiladi. Barcha xizmatlarda brendning yangilanishi bosqichma-bosqich amalga oshirilsa, Octobank mijozlarga avvalgidek yuqori sifatli servis taqdim etishga intilmoqda. Bugungi kunda bankning 3,1 mln jismoniy va 2300 dan ortiq yuridik shaxslardan iborat mijozi bor.
Octobank yangi mahsulotlarni ishlab chiqish, reytinglardagi o‘rnini yaxshilash va kapitalni ko‘paytirish orqali hamkorlar manfaatiga e’tibor qaratadi, ularning sodiqligiga erishish va ishonchini qozonishga intiladi.
2024-yilning birinchi yarmida bank bir necha muhim natijalarga erishdi. Xususan, mijozlar tomonidan 324 mlrd so‘mlik muammoli aktivlar to‘landi. May oyida muammoli aktivlarning ulushi 76,9 foizni tashkil qilgan bo‘lsa, iyunga kelib mijozlar muammoli aktivlarni to‘liq to‘lagan. Ularning ulushi nolga tushib, Octobank muammoli aktivlari bo‘lmagan 7 ta bank guruhiga kirgan.
Bundan tashqari, bank Iqtisodiy tadqiqotlar va islohotlar markazining (SEIR) “Bank faolligi indeksi” hisobotida 2024-yilning II choragida 6-o‘rindan 4-o‘ringa ko‘tarildi.
Octobank, shuningdek, Xitoy texnologik giganti hisoblangan Tencent’ning sho‘ba korxonasi hisoblanuvchi Tenpay to‘lov servisi bilan hamkorlikka erishdi. Tenpay – WeChat ilovasiga integratsiyalangan onlayn to‘lov bozorining asosiy ishtirokchilaridan biridir. Ushbu hamkorlik xitoylik mijozlarga WeChat ilovasi orqali to‘lovni amalga oshirish imkoniyatini berishi mumkin. Shuningdek, internet va oflayn do‘konlarda QR-kod va to‘lov sahifasi orqali to‘lovlarni qabul qilish mumkin bo‘ladi.
Octobank’ning 2024-yil II choragi yakunlaridagi aktivlari 2,7 trln so‘m, kapitali 529 mlrd so‘m, sof foydasi esa 48,7 mlrd so‘mni tashkil etmoqda. Shuningdek, bank O‘zbekistonda yuridik shaxslar uchun bank xizmatlarining eng tez rivojlanayotgan segmentlaridan biri bo‘lgan savdo va internet ekvayring uchun yangi yechimlarni ishlab chiqmoqda.
Octobank hozirda quyidagi yirik bizneslar bilan hamkorlik qiladi:
● UzEx Tovar-xomashyo birjasi.
● UzAirways aviakompaniyasi.
● Beeline aloqa operatori.
● Korzinka supermarketlar tarmog‘i.
● HUMO to‘lov tizimi.
● Yandex Eats oziq-ovqat yetkazib berish va Yandex Go taksi xizmatlari.
● O‘zbekiston Temiryo‘llari kompaniyasi.
● Paynet to‘lov tizimi va boshqa kompaniyalar.
Octobank bundan keyin ham mijozlarga yuqori sifatli xizmatlar taqdim etishga intiladi. Xususan, jismoniy va yuridik shaxslar uchun yangi mahsulotlar, servislar va tariflarni ishlab chiqmoqda.
Reklama huquqi asosida
Izoh (0)