Fransiyaning Parij shahrida yozgi Olimpiada bahslarida boks musobaqalari ham davom etmoqda.
-57 kg vazn toifasida o‘zbekistonlik bokschi Sitora Turdibekova Xitoy Taypeyi bokschisi, 2 karra jahon chempioni Lin Yu Tinga qarshi ringga ko‘tarildi.
1-raund 4:1 hisobida Xitoy Taypeyi vakilining foydasiga hal bo‘ldi. 2-raundda ham Lin Yu Tin ustunlik qildi. 3-raundda ham vaziyat o‘zgarmadi va Sitora Olimpiadadagi ishtirokini yakunladi.
Sitora bundan oldinga bosqichda kongolik Marselat Sakobi Matshuni mag‘lub etgandi.
Ma’lumot uchun, Turdibekova 2002-yil 20-may kuni Samarqand viloyati Bulung‘ur tumanida tavallud topgan.
Sitora 2021-yil kattalar o‘rtasidagi Osiyo chempionatida oltin medalni qo‘lga kiritgan. 2022-yil Toshkentda o‘tgan U-22 qit’a birinchiligida bronza, 2023-yil Bangkok mezbonlik qilgan ayni shu toifadagi chempionatda esa kumush medal sohibiga aylangan. Ko‘rsatgan natijalari evaziga “Shuhrat” medali bilan taqdirlangan.
Izoh (0)