Toshkent viloyati Ohangaron tumani hokimi ish vaqtidan keyin yoki bayram kunlarida yig‘ilish qilayotgani rad etildi.
Aytilishicha, 1-iyul kuni ijtimoiy tarmoqlarda Ohangaron tumani maktabgacha ta’lim tashkilotida faoliyat yuritayotgan xodim tomonidan tuman hokimi kechki 18:00 dan keyin yoki bayram kunlarida yig‘ilish tashkil qilib, soliq to‘lovchi borasidagi ma’lumotlar bilan kelish talab qilinayotgani haqida xabar tarqatilgan.
Mazkur murojaat bo‘yicha viloyat Maktabgacha va maktab ta’limi boshqarmasi tomonidan o‘rganish olib borildi. O‘rganishlar natijasida ijtimoiy tarmoqlarda keltirilgan holat o‘z tasdig‘ini topmagan.
Avvalroq Andijonning Marhamat tumanida hokim topshirig‘iga ko‘ra ishdan tashqari vaqtda chaqirilgan obodonlashtirish xodimi YTHga uchrab, vafot etgani xabar qilingandi.
Izoh (0)