Germaniyalik mutaxassis Yurgen Klopp kelajagi borasidagi savollarga javob berdi.
Murabbiy 9 yillik faoliyatidan so‘ng “Liverpul”ni tark etgandi.
“Hozircha murabbiylik faoliyatim yakunlangan. Men o‘z xohishim bilan ketmadim, bu umumiy qaror edi.
Tinchlik va sokinlik izlayagandim, topdim va ayni damda shundan zavqlanyapman. Shunchaki sal chetroqqa chiqib, ishni ortga tashlash vaqti kelgandi.
Tennis o‘ynash va nevaralarim bilan o‘tirishga judayam yoshlik qilaman. Yana murabbiy bo‘lamanmi? Ayni damda buni inkor etgan bo‘lardim. Bir necha oydan keyin bu haqida o‘ylab ko‘raman. Lekin hozir hech qanday qaror qabul qilmaganman”, — deydi “Liverpul” va “Borussiya D” sobiq bosh murabbiyi.
56 yoshli germaniyalik mutaxassis 2015-yilning 8-oktyabrida Angliyaning “Liverpul” klubi boshqaruviga kelgan. Bu vaqt ichida Yurgen Klopp “qizillar” bilan yettita sovrinni qo‘lga kiritdi. Klopp qo‘l ostida “Liverpul” Chempionlar Ligasi, Premyer Liga, Liga Kubogi, Angliya Kubogi, UEFA Superkubogi va klublar o‘rtasidagi jahon chempionatida g‘olib chiqdi.
Izoh (0)