Rossiya Davlat dumasi fuqarolikni olgan erkaklar uchun harbiy xizmat muddatini ikki yilga uzaytirmoqchi. Bu haqda parlament quyi palatasi saytida ma’lum qilindi.
Shuningdek, deputatlar yangi fuqarolar uchun harbiy xizmatga chaqirilish yoshini oshirishni ilgari surgan, ammo qancha muddatga ekanligi haqida xabar berilmagan. Duma tegishli tuzatishlarni bahorgi sessiya tugagunga qadar, ya’ni 5-avgustgacha qabul qilishni rejalashtirmoqda.
Davlat dumasi spikeri Vyacheslav Volodin Rossiya fuqaroligiga qabul qilish sharti sifatida harbiy ro‘yxatga olishni taklif etgan. Bu Rossiya fuqarosi pasportini olish bilan bir vaqtda amalga oshirilishi taxmin qilinmoqda.
Ma’lumot o‘rnida, Rossiyada fuqarolik olgan, ammo harbiy ro‘yxatdan o‘tmagan 30 mingdan ortiq sobiq muhojirlar aniqlangan. Ularning barchasi majburiy ro‘yxatga olingan va allaqachon 10 mingga yaqini Ukrainaga qarshi urushga jo‘natilgan.
Izoh (0)