2024-yil boshidan Uzbekistan Airways aviakompaniyasi yo‘lovchilar orasida katta talabga ega bo‘lgan bir qator yangi yo‘nalishlarni yo‘lga qo‘ydi. Mumbay, Maxachkala va Goaga aviqatnovlar yo‘lga qo‘yildi va 26-iyuldan boshlab Grozniyga parvozlar miqdori oshdi.
Uzbekistan Airways xalqaro aviatashuvlarga bo‘lgan talabni qondirish, yo‘nalishlar tarmog‘ini kengaytirish va yo‘lovchilarga sayohat qilish uchun yangi imkoniyatlarni taqdim etishga intilmoqda. Joriy yil boshidan buyon o‘zbekistonliklar uchun Hindistonning Mumbay megapolisi va Dog‘iston poytaxti – Maxachkalaga to‘g‘ridan-to‘g‘ri aviaqatnovlar yo‘lga qo‘yildi. 27-oktabrdan boshlab ushbu ro‘yxat quyoshli Goa bilan to‘ldiriladi, u Uzbekistan Airways parvozlar xaritasida Hindistonning uchinchi shahri bo‘ladi.
Maxachkala sayyohlar uchun ko‘plab diqqatga sazovor joylarni taklif etadi. Shahar mehmonlari tashrif buyurishlari kerak bo‘lgan joy – Markaziy Juma masjidi. Binoning tashqi ko‘rinishi Istanbuldagi moviy masjidga ishora qiladi, shuning uchun u Maxachkaladagi eng go‘zallaridan biri hisoblanadi.
Shuningdek, masjid qoshida Kavkaz va Dog‘iston tarixi bilan tanishishingiz mumkin bo‘lgan madaniy va ma’rifiy markaz faoliyat yuritadi. Uzbekistan Airways sizga Toshkentdan Maxachkalaga atigi 3 soatu 10 daqiqada yetib borish imkonini taqdim etadi. Aviaqatnovlar har hafta payshanba kunlari amalga oshiriladi. Bir tomonlama aviachiptalar narxi 2 020 000 so‘mdan, Toshkent – Maxachkala – Toshkent yo‘nalishi bo‘yicha esa 3 480 000 so‘mdan boshlanadi.
Goa va Mumbayga kelsak, ular alohida tariflash kerak bo‘lgan ikkita mutlaqo noyob yo‘nalishdir. Goa Arab dengizi sohilidagi haqiqiy jannatdir. Dam olish maskani o‘zining tasalli muhiti bilan mashhur bo‘lib, uni dam olish va tiklanish uchun ideal joyga aylantiradi.
Ajoyib rang-barang Mumbay sizga har lahzadan zavqlanishni o‘rgatadi. U yerda bo‘lgan har bir kishi shaharni yorqin his-tuyg‘ularning kaleydoskopi bilan taqqoslaydi. Toshkentdan Mumbayga aviaqatnovlar dushanba (seshanba kuni qaytish aviaqatnovlari bilan) va shanba kunlari amalga oshiriladi. Goaga parvozlar esa 27-oktyabrdan chorshanba va yakshanba kunlari amalga oshiriladi.
• Toshkent – Mumbay: 2 769 000 so‘mdan;
• Toshkent – Mumbay – Toshkent: 5 042 000 so‘mdan;
• Toshkent – Goa: 2 500 000 so‘mdan;
• Toshkent – Goa – Toshkent: 4 340 000 so‘mdan boshlanadi.
26-iyuldan boshlab Uzbekistan Airways Toshkent – Grozniy – Toshkent yo‘nalishidagi aviaqatnovlarda ikkinchi chastotani joriy etdi. Endi HY9701/9702 aviaqatnovlari haftasiga ikki marta amalga oshiriladi, shuningdek, juma kunlaridagi yangi qatnov yo‘lovchilarga sayohatlarini yanada qulayroq rejalashtirishga imkon beradi.
Aviachiptalarni booking.uzairways.com saytida, Uzbekistan Airways mobil ilovasida, shuningdek Uzbekistan Airways Sales filiali yoki aviakompaniya agentlaridan sotib olishingiz mumkin.
Reklama huquqi asosida
Izoh (0)