Rossiyaning Chelyabinsk viloyati Kiolim qishlog‘ida kuchli yomg‘irlardan so‘ng Kiolim to‘g‘onida suv sathi ko‘tarilishi oqibatda to‘g‘onning bir qismi buzildi.
Bu haqda Rossiya Favqulodda vaziyatlar vazirligi matbuot xizmati xabar berdi.
Qutqaruvchilar zudlik bilan Kiolim, Muxametovo, Baidashevo va Karasevo qishloqlarining barcha aholisini — 163 kishini, shu jumladan, 21 bolani evakuatsiya qildi. Suv atrofdagi qishloqlar hududiga tarqagan.
Ma’lumotlarga ko‘ra, voqea oqibatida qurbon bo‘lganlar yo‘q.
“Chelyabinsk viloyatining Kiolim qishlog‘ida suv daryoga qaytdi, aholi punkti suvdan butunlay ozod qilindi, qurbonlar yo‘q”, deyiladi Rossiya FVV xabarida.
Qutqaruvchilar dronlardan foydalangan holda hududni kuzatib chiqqan va Kiolim suv omboridagi to‘g‘onning katta qismi eroziyasi oqibatlarini bartaraf etishga kirishgan.
Izoh (0)