21-iyul kuni AQSH prezidenti Jo Bayden 2024-yilgi saylovlarda davlat rahbari lavozimi uchun kurashda qatnashmasligini maʼlum qildi va o‘zining o‘rniga Demokratik partiyadan nomzod sifatida vitse-prezident Kamala Harrisni taklif qildi. Shunga o‘xshash pretsedent fonida ayollar biznesda, siyosatda yoki sudda erkaklardan hech qanday kam bo‘lmagan holda faoliyat yuritgani haqidagi filmlar bilan tanishing.
“Erin Brokovich” (2000)
- Janr: drama, biografiya
- Rejissyor: Stiven Soderberg
- Rollarda: Juliya Roberts, Albert Finney, Aron Ekhart, Piter Koyot, Cherri Jons
Juliya Roberts — 3 bolani yolg‘iz tarbiyalayotgan ona Erin Brokovich. Baxtsiz hodisadan so‘ng, ayol huquqshunoslik bo‘yicha ish topadi (garchi u hech qanday ma’lumotga ega bo‘lmasa ham) — u oddiygina advokatning ofisiga ishga kiradi. Va haqiqiy ekologik halokatga sabab bo‘lgan mahalliy tadbirkorlarga qarshi kurashadi.
“Temir xonim” (2011)
- Janr: drama, biografiya
- Rejissyor: Fillida Lloyd
- Rollarda: Meril Strip, Jim Broadbent, Iyen Glen, Emma Devharst, Viktoriya Byuik
Filmda Meril Strip demensiyadan aziyat chekayotgan va vatanining kelajagi haqida qayg‘urayotgan Britaniya bosh vaziri — Margaret Tetcher rolini o‘ynaydi.
“Golda. Qiyomat kuni” (2023)
- Janr: biografiya, harbiy, drama, tarixiy
- Rejissyor: Gay Nattiv
- Rollarda: Helen Mirren, Kamil Kotten, Liev Shrayber, Zed Jozef, Klodett Uilyams
Gay Nattivning Isroilning birinchi ayol bosh vaziri Golda Meyir (Helen Mirren) haqidagi biografik filmi. Film voqealari 1973-yilda Qiyomat kuni urushi (19 kun davom etgan harbiy mojaro) paytida, Misr, Suriya va Iordaniya Olti kunlik urushda yo‘qotilgan hududlarni qaytarib olish uchun Isroilga hujum qilganda sodir bo‘ladi. Film premyerasi 2023-yil fevral oyida Berlin kinofestivalida bo‘lib o‘tgan.
“Slounning xavfli o‘yini” (2016)
- Janr: drama, jinoiy
- Rejissyor: Jon Madden
- Rollarda: Jessika Chesteyn, Mark Strong, Gugu Mbatha-Rau, Alison Pill, Maykl Stulbarg
Jon Maddenning mazkur filmida Jessika Chesteyn qurol lobbisiga qarshi qonun qabul qilishga qaror qilgan shafqatsiz lobbichi Elizabet Sloun rolini o‘ynaydi. Har qanday manipulyatsiyaga tayyor bo‘lgan Elizabet qaltis ishga qo‘l uradi va deyarli karyerasi bilan xayrlashadi. Chesteynning eng yaxshi rollaridan biri bo‘lgan ushbu rol unga “Oltin globus” nominatsiyasini taqdim etdi.
“Qirolicha” (2005)
- Janr: drama, biografiya
- Rejissyor: Stiven Frirz
- Rollarda: Helen Mirren, Jeyms Kromvel, Maykl Shin, Aleks Jennings, Silviya Sims
Stiven Frirzning mazkur filmida Xelen Mirren 1997-yilda malika Diana o‘limidan keyingi Yelizaveta II rolini o‘ynaydi: Morgan Yelizavetani nafaqat qirolicha, balki kelini va nevaralarini har qanday yo‘l bilan himoya qilishga urinayotgan qaynona sifatida ham ko‘rsatadi.
“Kartadan yasalgan uy” (2013—2018)
- Janr: drama
- Rejissyor: Jeyms Fouli, Robin Rayt, Jon Devid Kouls
- Rollarda: Robin Rayt, Maykl Kelli, Kevin Speysi, Derek Sesil, Jeyn Atkinson
Dastlabki uch faslda tasavvurni hayajonga solgan serial yakunida oxir-oqibat siyosat o‘z o‘rnini boy bera boshlaydi. Kutilmagan syujetli burilishlar va Frenk Andervud bilan raqobatlasha oladigan qiziqarli personajlar bilan ajralib turadi.
“Toj” (2016–2023)
- Janr: drama, tarixiy, biografiya
- Rejissyor: Benjamin Karon, Filipp Martin, Kristian Shvoxov
- Rollarda: Kler Foy, Oliviya Kolman, Imelda Staunton, Mett Smit, Tobias Menzis
Yelizaveta II ning 1947-yilda taxtga o‘tirganidan 21-asrgacha bo‘lgan hayoti haqida keng ko’lamli serial. Buyuk Britaniya qirolichasining merosi va hayotining past-balandliklari haqida qiziqarli va batafsil tarixiy drama.
“Tansoqchi” (2018)
- Janr: triller, jang, drama, detektiv, jinoyat
- Rejissyor: Jon Striklend, Tomas Vinsent
- Rollarda: Richard Madden, Kili Xouz, Sofi Rundl, Vinsent Franklin, Esh Tandon
Sobiq harbiy xizmatchi ichki ishlar vazirining qo‘riqchisiga aylanadi, vazir — siyosiy dasturi qahramonning shaxsiy e’tiqodiga zid bo‘lgan ambitsiyali ayol. Syujet voqealari keskinlashib borgani sari tansoqchining ishi tobora qiyinlashadi.
“Yuqoriga qarama” (2021)
- Janr: drama, fantastika, komediya
- Rejissyor: Adam Makkay
- Rollarda: Leonardo Di Kaprio, Jennifer Lourens, Meril Strip, Jonah Xill, Keyt Blanchett
Adam Makkeyning qora komediya elementlari qorishgan ilmiy-fantastik filmi. Aspirant Keyt DiBiaski (Jennifer Lourens) va professor Rendall Mindi (Leonardo Di Kaprio) vakili bo‘lgan amerikalik olimlar olti oydan so‘ng butun hayotga nuqta qo‘yadigan kometa Yerga yaqinlashayotganini aniqlashadi. Insoniyatni ogohlantirishga urinib, ular shafqatsiz haqiqatga duch kelishadi: atrofdagilarning barchasi ularni aqldan ozgandek qabul qiladi (hatto Meril Strip ijro etgan AQSH prezidenti Jeyn Orlin va razvedka xizmatlari ham).
“Merosxo‘rlar” (2018 - 2023)
- Janr: drama, komediya
- Rejissyor: Mark Mylod, Andriy Parex, Shari Springer Berman
- Rollarda: Brayan Koks, Jeremi Strong, Kiran Kalkin, Sara Snuk, Metyu Makfadyen
Kinoyali satira va Shekspir asarlaridagi fojiani o‘zida mujassam etgan drama, unda deyarli hech qanday ijobiy qahramon yo‘q. Drama, aktyorlik va mahortali ijro yordamida eng yirik media konglomerati ustidan hokimiyat uchun kurash va oilaviy munosabatlar haqida hikoya qiladi.
Izoh (0)