Pixar studiyasining “Boshqotirma-2” animatsion filmi butunjahon kino prokati tarixidagi eng yuqori daromad keltirgan multfilmga aylandi.
23-iyul kuni film tushumlari 1,463 milliard dollardan oshdi. Buning ustiga, filmning premyerasi 1-avgust kuni Yaponiyada ham bo‘lib o‘tishi kutilmoqda. Bu esa loyiha daromadini sezilarli darajada oshishiga sabab bo‘ladi.
Bundan tashqari, “Boshqotirma-2” 2019-yildan beri yetakchilik qilib kelayotgan “Muzyurak” multfilmining ikkinchi qismini ortda qoldirdi. Hozirda butun dunyo bo‘yicha eng muvaffaqiyatli filmlar o‘ntaligiga yettita Disney loyihasi kiradi, ulardan beshtasi Pixar bilan hamkorlikda yaratilgan.
Kino tarixidagi eng kassabop bo‘lgan top-10 ta animatsion film:
- “Boshqotirma-2” — 1,463 milliard dollar;
- “Muzyurak-2” — 1,45 milliard dollar;
- “Aka-uka super Mariolar” — 1,36 milliard dollar;
- “Muzyurak” — 1,284 milliard dollar;
- “Super oila-2” — 1,242 milliard dollar;
- “Minionlar” — 1,157 milliard dollar;
- “O‘yinchoqlar tarixi-4” — 1,073 milliard dollar;
- “O‘yinchoqlar tarixi-3” — 1,068 milliard dollar;
- “Yaxshi bo‘lish osonmi-3” — 1,032 milliard dollar;
- “Dorini izlab” — 1,025 milliard dollar.
Umumiy reytingda “Boshqotirma-2” filmi “Barbi”dan o‘zib ketdi va 13-o‘ringa ko‘tarildi.
Izoh (0)