Bugun, 25-iyul kuni Parij Olimpiadasida kamondan o‘q otish musobaqalari bo‘lib o‘tmoqda.
Janubiy koreyalik sportchi Si Xyon Lim Parijdagi Olimpiya o‘yinlarida kamondan otish bo‘yicha jahon rekordini o‘rnatdi.
Saralash bosqichida kamonchi 72 zarbada 694 ochko to‘plashga muvaffaq bo'ldi. Avvalgi jahon rekordi uning hamyurti Kan Che Yonga (692) tegishli bo‘lib, u bu natijani 2019-yili qayd etgan edi.
Ushbu bahslarda o‘zbekistonlik Ziyodaxon Abdusattorova ham ishtirok etdi. O‘zbekistonlik kamonchi 649 ochko to‘plab, o’zining eng yaxshi natijasini qayd etdi.
Endi u 31-iyul kuni 1/32 final bosqichidan medallar uchun kurashni boshlaydi. Unga mazkur davrada chexiyalik Marie Xorachkova raqiblik qiladi.
Izoh (0)