Falastin prezidenti Mahmud Abbosning Rossiyaga tashrifi 12—14-avgust kunlariga mo‘ljallangan, u 13-avgust kuni rossiyalik hamkasbi Vladimir Putin bilan uchrashadi. Bu haqda tashrifdan xabardor manbaga tayanib, “RIA Novosti” xabar berdi.
Falastin prezidenti idorasidagi manba esa tashrif sanasi haqida boshqacha ma’lumot bergan. Jumladan, Mahmud Abbos 18-avgust kuni Rossiyaga kelishi aytilgan. Bu Rossiyadagi diplomatik manba ma’lumotlaridan keskin farqlanadi.
U 12-avgust kuni keladi. 13-avgustda Putin bilan muzokaralar rejalashtirilgan. 14-sanada jo‘nab ketadi, deydi manba.
Eslatib o‘tamiz, 2023-yilning iyul oyida Putin va Abbos o‘rtasida telefon orqali muloqot bo‘lib o‘tgandi. Suhbat chog‘ida Abbos Kremlni qo‘llab-quvvatlashini bildirgan, Putin esa Moskvaning “Falastin—Isroil mojarosini adolatli va barqaror hal etish” tarafdori ekanini aytgan. Falastin prezidentining 2023-yilga mo‘ljallangan Moskvaga tashrifi bir necha bor qoldirilgandi.
Izoh (0)