O‘zbekistonda faoliyat yuritayotgan tadbirkorlik subyektlari soni bir yilda 23 753 taga kamaydi. Bu haqda Statistika agentligi eʼlon qilgan press–relizda maʼlumot berilgan.
2024-yil 1-iyul holatiga ko‘ra, respublikada faoliyat ko‘rsatayotgan tadbirkorlik subyektlari soni 390 898 tani tashkil etdi. Hududlar kesimida ularning soni quyidagicha:
- Toshkent shahrida — 86 504 ta;
- Toshkent viloyatida — 35 242 ta;
- Samarqand viloyatida — 34 553 ta;
- Farg‘ona viloyatida — 31 824 ta;
- Buxoro viloyatida — 25 899 ta;
- Qashqadaryo viloyatida — 24 595 ta;
- Andijon viloyatida — 23 169 ta;
- Xorazm viloyatida — 23 117 ta;
- Namangan viloyatida — 22 037 ta;
- Qoraqalpog‘iston Respublikasida — 20 371 ta;
- Surxondaryo viloyatida — 19 461 ta;
- Navoiy viloyatida — 18 509 ta;
- Jizzax viloyatida — 15 640 ta;
- Sirdaryo viloyatida — 9 977 ta.
Qayd etilishicha, 2023-yilning 1-iyulida mamlakatdagi tadbirkorlik subyektlari soni 414 651 tani, 2022-yilning mos davrida esa 497 293 tani tashkil etgan. O‘tgan yili ular soni 82 642 taga kamaygan bo‘lsa, joriy yilda 23 753 taga qisqardi.
Hozirda faoliyat yuritayotgan tadbirkorlik subyektlarining 387,1 mingtasi kichik korxona va mikrofirmalar hisoblanadi. Shundan 148 714 tasi (38 foiz) savdo, 62 153 tasi (15,9 foiz) sanoat, 32 547 tasi (8,3 foiz) qishloq, o‘rmon va baliqchilik xo‘jaligi, 29 770 tasi (7,6 foiz) qurilish, 27 673 tasi (7,1 foiz) yashash va ovqatlanish bo‘yicha xizmatlar yo‘nalishidagi korxonalar tashkil etadi.
Agentlik tahliliga ko‘ra, O‘zbekistondagi har uchinchi korxona savdo sohasida faoliyat yuritadi. Ularning 148 mingtasi (99,5 foizi) kichik biznes subyektlaridir.
Hududlar bo‘yicha eng ko‘p kichik biznes subyektlari Toshkent shahri (21,9 foiz), Toshkent (9 foiz), Samarqand (8,9 foiz), Farg‘ona (8,2 foiz) va Buxoro (6,6 foiz) viloyatlarida faoliyat ko‘rsatmoqda.
Izoh (0)