Netflix kompaniyasi hammuassisi Rid Hastings AQSH prezidentligiga nomzod Kamala Harrisni qo‘llab-quvvatlab, uning jamg‘armasiga 7 million dollar o‘tkazib bergan. Bu haqda u o‘zining X tarmog‘idagi sahifasida maʼlum qilgan.
Manbada aytilishicha, Kamala Harris uchun ajratilgan mablag‘lar AQSHdagi saylovoldi targ‘ibot mablag‘larini nazorat qiluvchi A super PAC qo‘mitasiga o‘tkazib berilgan. Qo‘mita esa bu byudjetni Harrisning saylov kompaniyasi uchun tizimli ravishda ajratib boradi.
Netflix hammuassisisi Rid Hastings vitse-prezident Kamala Harrisning AQSH prezidentligiga nomzodini qatʼiy qo‘llab-quvvatlashini maʼlum qilgan. U AQSHda biznes va tijoriy faoliyat uchun katta sharoitlar yaratishiga umid bildirgan.
Xabarda aytilishicha, 7 million dollarlik xayriya Kamala Harris fondiga individual taʼminotchi tomonidan o‘tkazib berilgan eng katta paketdir. Endilikda Netflix rasmiysi harakati ortidan yirik brendlar vakillarining Harris poygasini qo‘llab-quvvatlashga qiziqishi ortgan.
“Kamala Harrisni tabriklayman. U uchun endi g‘alaba qozonish vaqti keldi”, deb yozgan Rid Hastings X tarmog‘idagi postida.
Kamala Harrisning saylov kampaniyasini qo‘llab-quvvatlash harakati AQSHda keskin tus olgan. Bayden ketganidan keyin 24 soat ichida amerikaliklar 81 million dollar xayriya qilgan.
Maʼlumot o‘rnida, Rid Hastings 1997-yilda Netflixʼga asos solgan. 2023-yilda esa bosh direktor lavozimini tark etgan. Hozirda u Netflix boshqaruv kengashining ijrochi raisi sifatida faoliyat yuritadi.
Izoh (0)