Shavkat Mirziyoyevning tavallud kuni munosabati bilan xorijiy davlatlar, hukumatlar va parlamentlar, nufuzli xalqaro va mintaqaviy tashkilotlar rahbarlaridan qutlovlar kelishi, Toshkentda hokim yordamchisi o‘z onasini kaltaklagani aytilayotgani, Surxondaryoda xonadonlardan biriga bo‘ri kelib qolgani — “Daryo” nashri bugun, 24-iyulda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda pensiyalarni ijtimoiy karta orqali olish huquqi beriladi
U bir vaqtning o‘zida ham to‘lov vositasi, ham ehtiyojmand toifaga mansublik tasdig‘i hisoblanadi.
Gurbanguli Berdimuhamedov Shavkat Mirziyoyevni tug‘ilgan kuni bilan tabrikladi
Turkman xalqining milliy yetakchisi O‘zbekiston prezidentiga mustahkam sog‘lik va farovonlik tiladi.
Vladimir Putin va Si Szinpin Shavkat Mirziyoyevni tug‘ilgan kuni bilan tabrikladi
O‘zbekiston prezidenti tavallud kuni munosabati bilan xorijiy davlatlar rahbarlaridan qutlovlar kelmoqda.
O‘zbekistonda psixologlar faoliyatini tartibga soluvchi qonun loyihasi qabul qilindi
Unda psixologik yordam ko‘rsatish huquqiga ega bo‘lmagan shaxs tomonidan shunday yordam ko‘rsatganlik uchun javobgarlik belgilanmoqda.
O‘zbekistonlik alpinistlar ilk bor O‘zbekistonning eng baland nuqtasiga ko‘tarildi
Ular cho‘qqiga ko‘tarilishni 67 yoshni qarshi olgan Shavkat Mirziyoyev tug‘ilgan kuniga bag‘ishladi.
Kubik-rubiklar yordamida 3 ming dollargacha daromad topayotgan zominlik yigit (foto)
“Ijodim davomida ko‘plab davlat rahbarlarining ham suratlarini kubik-rubiklar yordamida ishlaganman. Ammo eng sevimli suratlarim Shavkat Mirziyoyev, Shayx Muhammad Sodiq Muhammad Yusuf hazratlari va birinchi prezidentimiz Islom Karimovniki bo‘lib, ularning qiyofasini qayta-qayta tasvirlashdan erinmayman”, deydi Husan Mirzahabibov.
O‘zbekistonda ishdagi baxtsiz hodisalardan yarim yilda 100 dan ortiq xodim vafot etdi
Baxtsiz hodisalarning eng katta qismi qurilish sohasiga to‘g‘ri kelgan.
Surxondaryoda xonadonlardan biriga bo‘ri kelib qolgani yuzasidan izoh berildi
Bo‘rining salomatligi mutaxassislar tomonidan ko‘zdan kechirildi.
O‘zbekistonda yarim yilda ajrashgan oilalar soni ochiqlandi
Ko‘rsatkich 2023-yilning shu davriga nisbatan 11,6 foizga kamaygan.
Shavkat Mirziyoyev 67 yoshda: O‘zbekiston prezidentini kimlar tabrikladi?
Prezidentga xorijiy davlatlar, hukumatlar va parlamentlar, nufuzli xalqaro va mintaqaviy tashkilotlar rahbarlaridan qutlovlar keldi.
Ogohlantirish: O‘zbekistonda juda issiq bo‘lishi kutilmoqda
Ayrim joylarda shamol chang-to‘zonlar bilan kuzatilishi mumkin.
Toshkentda hokim yordamchisi o‘z onasini kaltaklagani aytilmoqda
Holat yuzasidan jinoyat ishi qo‘zg‘atilgan.
BMT bosh kotibi Antoniu Guterrish Shavkat Mirziyoyevni tavallud kuni bilan tabrikladi
“Ushbu qutlug‘ kunda sizga eng samimiy tabriklarimni yo‘llayman”, deb yoziladi qutlovda.
“Har hokim almashganda shu holat takrorlanadi” — Bektemirda hokimiyat yangi qurilayotgan xonadonlarni ogohlantirmasdan buzayotgani aytilmoqda (video)
“Maxsus texnika olib kelinib, odamlar ogohlantirilmasdan, buzish boshlangan. Buzishga qarshilik qilganlar esa ichki ishlar xodimlari tomonidan avtobuslarga solib olib ketildi”, deydi aholi murojaatida.
Izoh (0)