Fransiya janubi-sharqidagi Ron va Lion shahar departamentlari o‘t o‘chiruvchilari agar ularga bonuslar berilmasa, Olimpiadaning birinchi kunida ish tashlashadi.
Bu haqda Figaro gazetasi tashkilotga tayanib xabar berdi.
Lionda futbol bo‘yicha Olimpiya o‘yinlarining o‘n bitta guruh o‘yinlari bo‘lib o‘tadi, ularning birinchisi chorshanba kuni o‘tkaziladi.
Kasaba uyushmasi agar ularga mos ravishda Parijdagi o‘t o‘chiruvchilar va politsiyachilarga berilganidek bonuslar to‘lanmasa, Liondagi musobaqaning birinchi kunidan Olimpiada va Paralimpiya o‘yinlari tugaguniga qadar ish tashlash e’lon qilinishi haqida ogohlantirdi.
O't o'chiruvchilar, shuningdek, qisqartirilgan yozgi ta'til uchun bonuslarni oshirishni talab qilmoqdalar. Ularga taqdim etilgan 200 yevro yetarli emasligini aytishmoqda. Ayni paytda ular pulni mahalliy hokimiyat emas, Fransiya hukumati to‘lashini istayapti.
Avvalroq Olimpiada ochilishi kuni rassomlar va musiqachilar uyushmasi, shuningdek, aeroport xodimlari kasaba uyushmalaridan biri tomonidan ish tashlash e'lon qilingan edi. Ularning barchasi o'yinlar davomida bonuslar to'lashni yoki ish haqini oshirishni talab qiladi.
Parijdagi Olimpiada 26-iyuldan 11-avgustgacha, Paralimpiya o'yinlari 28-avgustdan 8-sentyabrgacha bo'lib o'tadi.
Izoh (0)