Kattalar bolalikda sevib tomosha qilgan multfilmlarini qayta ko‘rishni yoqtiradi. Mazkur multfilmlarni bolangiz o‘sib-ulg‘ayguncha birgalikda tomosha qilishni tavsiya etamiz.
“101 dalmatin” 1961
Yovuz Kruella De Vil buyrug‘i bilan egalaridan o‘g‘irlab ketilgan dalmatin kuchukchalarini qidirish va qutqarish haqidagi hikoya. Ochko‘z zodagon ayol dalmatinlar terisidan o‘ziga mo‘ynali kiyim tikishga qaror qiladi. Biroq hayvonlar birlashib, unga saboq berib qo‘yishadi.
“Bembi”, 1942
Yoz kunlarining birida o‘rmon shahzodasi Bembi tug‘iladi. Bembi yurish va gapirishni o‘rgangach, do‘stlar orttiradi. Onasining mehribon nigohi ostida kiyik bolasining hayoti maroqli va betashvish edi. Ammo bir kuni o‘rmonga odam bostirib kiradi, o‘zi bilan og‘riq, qo‘rquv va azob-uqubatlarni olib keladi.
“Mulan”, 1998
Xitoyga hunlarning jangovar qabilasi hujum qiladi. Erkaklar kiyimidagi qiz Mulan otasining o‘rniga jangga kiradi va kichkina ajdaho Mushu bilan birga qorli tog‘lar etagiga xavfli sayohatga chiqadi.
“Mening qo‘shnim Totoro”, 1988
Opa-singillar otalari bilan qishloqdagi eski uyga ko‘chib o‘tishadi. Bir kuni qizlar o‘rmonning qudratli va mehribon xo‘jayini Totoro boshchiligidagi tabiat ruhlari ularga qo‘shni bo‘lib yashashini bilib qolishadi. Asta-sekin Totoro qizlarning do‘stiga aylanadi, ularga yordam beradi.
“Oppog‘oy va yetti gnom”, 1937
Oppog‘oy yovuz o‘gay onasi malika bilan qasrda yashaydi. Bir kuni qirolicha har doim qaraydigan sehrli oyna unga “Oppog‘oy dunyodagi eng go‘zal qiz” deb javob beradi. Bundan g‘azablangan qirolicha uni o‘ldirishga qaror qiladi, lekin qizning omadi kelib, o‘rmonda yashaydigan yetti gnom bilan tanishadi.
“O‘yinchoqlar tarixi”, 1995
Kun davomida o‘yinchoqlar eng muhim vazifani bajaradi: egalarini xursand qilish. Lekin kechasi ular o‘z hayotini yashaydi. O‘yinchoq kovboy uzoq vaqtdan beri bolakayning sevimlisi bo‘lgan. Ammo o‘yinchoq kosmonavt paydo bo‘lgandan keyin raqiblar o‘rtasida kurash boshlanadi.
-w_vk7rp6-eAEkxyfs.jpg)
“Sohibjamol va maxluq”, 1991
Qorong‘i o‘rmondagi sehrlangan qal’ada dahshatli maxluq yashaydi. Uni sevib qolgan go‘zal qizgina maxluq qalbidagi muzni eritib, afsunni yo‘qqa chiqarib, uni inson qiyofasiga qaytara oladi.
“Po‘lat maxluq”, 1999
Hogart Hyuz ismli bola uzoq galaktikadan Yerga uchib kelgan ulkan robot bilan do‘st bo‘ladi. Qo‘rqinchli ko‘rinishiga qaramay, begona mehmon mehribon mavjudot bo‘lib chiqadi. Harbiylar uni yo‘q qilishga qaror qiladi. Uni faqatgina Hogart qutqara oladi.
“Misr shahzodasi”, 1998
Bir kuni Nil daryosi qirg‘og‘iga chaqaloq solingan savat tashlab ketiladi, uni Misr fir’avnining o‘zi asrab olishga qaror qiladi. Muso ismli bola va uning ukasi Ramzes birga katta bo‘lishadi. Kun keladiki, aka-ukalardan biri Yer yuzidagi eng ulkan imperiyaning hukmdori, ikkinchisi payg‘ambar bo‘ladi.
“Jeyms va ulkan shaftoli”, 1996
Bir kuni Jeyms o‘rgimchakning hayotini saqlab qoladi. Minnatdorlik uchun u bolaga sehrli ichimlik beradi, buning natijasida kichik shaftoli to‘satdan ulkan mevaga aylanadi. Uning ichida butun dunyo yashiringan bo‘ladi. U yerda esa Jeymsni haqiqiy do‘stlari kutmoqda, ular bolakayga eng ezgu orzularini ro‘yobga chiqarishda yordam beradi.
“Qirol sher”, 1994
Xoin amakisi Skar tomonidan taxtdan mahrum qilingan shahzoda Simba surgunga qochib ketadi. Ammo yillar o‘tib, firibgardan o‘ch olish, uni taxtdan ag‘darib tashlash maqsadida saltanatiga qaytadi va qudratli, dono, jasur qirolga aylanadi.
Izoh (0)