Andijon viloyatida tadbirkorning 3,9 mlrd so‘mlik yonilg‘isini qo‘lga kiritgan MCHJ aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, o‘tkazilgan tergovga qadar tekshiruvda “A.T.” MCHJ rahbari D.Yu. (muqaddam sudlangan) “F.” MCHJ bilan neft mahsulotlari yetkazib berish bo‘yicha tuzilgan shartnomaga asosan jami 3,9 mlrd so‘mlik A-95 markadagi benzin yonilg‘isini qabul qilib olgan. Ushbu mahsulotlar sotuvidan tushgan mablag‘ni shaxsiy ehtiyojlari uchun sarflab, o‘zganing juda ko‘p miqdordagi mulkini o‘zlashtirganligi aniqlangan.
Mazkur holat yuzasidan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)