Amerikalik bokschi Rayan Garsiya qamalishi mumkin.
8-iyun kuni Garsiya mast holatda Beverli-Hillsdagi mehmonxonalardan birida to‘polon qilib, muassasaga 15 ming dollarlik zarar yetkazgan. Bokschi politsiya tomonidan hibsga olingan.
Rayanga vandalizm ayblovi qo‘yildi va bu tufayli bokschi bir yillik qamoq jazosiga hukm qilinishi mumkin. Sud 7-avgust kuni bo‘lib o‘tadi.
Avvalroq bokschi irqchilikka oid so‘zlari sabab WBC’dan chetlatilgandi.
Eslatib o‘tamiz, Rayan Garsiya oxirgi jangini aprel oyida Devin Heyniga qarshi o‘tkazib, ochkolar hisobiga ko‘ra g‘alaba qozongandi. Ammo keyinchalik u doping-testdan o‘ta olmagani sababli bir yillik diskvalifikasiyaga uchragan hamda Heyni bilan jangi natijasi bekor qilingandi.
Izoh (0)