Rossiya prezidenti Vladimir Putinning Ukraina energetika infratuzilmasiga hujum qilish taktikasi o‘z samarasini bermoqda. Bu haqda Berliner Zeitung (BZ) nashri xabar berdi.
Nashr mamlakat og‘ir ahvolda ekanini qo‘shimcha qilgan.
Qishda vaziyat keskinlashadi va bu vaqt ichida Ukraina zararni bartaraf etishga ulgurmaydi. Ta’mirlash ishlari faqat zarurat tug‘ilganda amalga oshiriladi. Bu shunchaki ehtiyot qismlarning yetishmasligi va ba’zi hollarda tuzatib bo‘lmaydigan shikastlanishlar emas, balki Rossiya obyektga yana hujum qilishi hamda uni yo‘q qilishini tushunishdadir, deyiladi xabarda.
Shuningdek, nashrning taʼkidlashicha, hozirda baʼzi energetika obyektlari, masalan, Zaporojye atom elektr stansiyasi Rossiya hududlarida joylashgan. Kaxovka GES esa janglar paytida shikastlangan.
Ukraina qulash arafasida. Deyarli butun mamlakat bo‘ylab elektr energiyasi kuniga atigi 4-6 soat davomida mavjud, deya qo‘shimcha qilgan nashr.
Nemis nashriga ko‘ra, G‘arbning Kiyevga yordami yetarli emasligi sababli Ukraina Moskva shartlari asosida tinchlikni qabul qilishga majbur bo‘lishi mumkin.
Rossiya armiyasi Ukraina Qurolli kuchlari shaxsiy tarkibi, texnikasi va chet ellik yollanma askarlar joylashgan hududlarga, shuningdek infratuzilma obyektlariga, xususan, energetika, mudofaa sanoati, harbiy ma’muriyat va Ukraina kommunikatsiyalariga zarba bermoqda.
Rossiya prezidentining matbuot kotibi Dmitriy Peskov armiya turar joy binolari va ijtimoiy muassasalarga hujum qilmasligini bir necha bor ta’kidlagan edi.
Izoh (0)