Namangan viloyatining Mingbuloq tumani hokimi Nurshod Xudoyberdiyev 18-iyul kuni bo‘lib o‘tgan yig‘ilishda tuman faollari bilan xayrlashdi. Bu haqda “Daryo” muxbiri Azizbek Abduvaliyev xabar bermoqda.
“Tumanga kelib juda ko‘p narsa o‘rgandim, yaxshi insonlar bilan ishlash nasib etdi. Navqiron davrim shu yerda o‘tdi. Baqir-chaqir qilgan paytlarim bo‘lgandir, lekin hech kimga yomonlik qilmadim. Mingbuloqdan ketish men uchun og‘ir, juda og‘ir”, degan sobiq tuman hokimi.
Maʼlumot uchun, Nurshod Xudoyberdiyev 2019-yil mart oyidan 2024-yil iyuligacha — 5 yil davomida Mingbuloq tumaniga hokimlik qildi. U prezident Shavkat Mirziyoyev raisligida 17-iyul kuni o‘tkazilgan videoselektor yig‘ilishida faoliyatida tizimli kamchiliklarga yo‘l qo‘yganligi sababli lavozimidan ozod etilgan 10 nafar hokimdan biri bo‘ldi.
Izoh (0)