Kilian Mbappening onasi “PSJ” bilan yuzaga kelishi mumkin bo‘lgan sud jarayoni haqida gapirdi.
Parij klubi aprel oyidan buyon hujumchining maoshi va bonuslarini bermagani haqida, avvalroq, xabar berilgan edi. Qarz deyarli 100 million yevroni tashkil etadi.
“Bu ish hali ham davom etmoqda. Hozir hammasi Kilian vakillarining qo‘lida, ammo men “PSJ”ga ishonaman va hammasi tezda normal holatga qaytishiga umid qilaman. Yaqinda javob xati oldik va yakuniy qarorlar qabul qilinadi”.
U, shuningdek, Kilian va “PSJ” o‘rtasida sud jarayoni bo‘lib o‘tishi mumkinmi degan savolga javob berdi.
“Agar boshqa tanlov bo‘lmasa, ha, albatta. Umid qilamanki, biz ikki yil avval imzolagan shartnoma shartlari hurmat qilinadi.
Nima bo‘lganini hech kim: na men yoki “PSJ” ayta olmaydi, chunki so‘nggi ikki yil davomida Kilian va prezident (Nosir Al-Xelayfi) har doim yakka tartibda uchrashgan. Bularning barchasi fevral oyida Mbappe ketishini e’lon qilganidan keyin Kilianning klubda o‘ynashiga to‘sqinlik qilmadi”, deya qo‘shimcha qildi Faiza Lamari.
Ma’lumot uchun, 16-iyul kuni “Real” futbolchisi sifatida tanishtirilgan Mbappe 9-raqamda o‘ynaydi.
Izoh (0)