Jo Bayden koronavirusga chalingani maʼlum bo‘ldi

AQSH prezidenti Jo Bayden koronavirusga chalingan. Bu haqda Reuters nashri Oq Uy bergan maʼlumotga asoslanib, xabar berdi.

Manbada aytilishicha, prezidentning COVID-19 virusini yuqtirib olgani uning Las Vegasga tashrifi chog‘ida maʼlum bo‘lgan. Prezidentdan olingan test namunalari salbiy natija ko‘rsatgan.

Odatdagi rejaga ko‘ra Bayden Los-Anjelesda saylov kampaniyasi olib borishi kerak edi. Biroq favqulodda kutilmagan vaziyat tufayli dasturlar bekor qilingan.

Maʼlumotlarga ko‘ra, Bayden hozirda kasallikning yengil alomatlarini boshdan kechirmoqda. Barcha salbiy simptomlar yo‘qolgach u faoliyatiga qaytadi.

“U emlangan va immuniteti kuchli. Shunga qaramay hozirda yengil alomatlarni boshdan kechirmoqda”, degan Oq Uy matbuot kotibi Karin Jan-Pyer.

Manbaga ko‘ra, prezident salomatligini tiklash va vaqtinchalik izolyatsiya qilish uchun Delaver shtatiga olib ketilgan. Prezidentni Los-Anjelesdan olib ketish uchun Air Force One aviakompaniyasining maxsus samolyoti jalb qilingan.

Jurnalistlar bilan so‘nggi uchrashuvda Bayden ahvoli juda yaxshi ekanini, COVID bilan kasallangani saylov kampaniyasiga daxl qilmasligini aytgan. Ammo Delaverga uchadigan samolyotga chiqishga uringan prezidentning xatti-harakatlarida charchoq, noaniqlik kuzatilgan.

Mutaxassislar Bayden emlangan bo‘lishiga qaramay, kasallik unda og‘ir o‘tishi mumkinligini bildirgan. Chunki prezident allaqachon 81 yoshda va salomatligi qoniqarsiz ahvolda.