Fransiya 2024-yil oxirigacha yana 2,1 ming ukrainalik askarni, jumladan tank ekipajlarini o‘qitadi, deb xabar berdi France 3 telekanali Mudofaa vazirligi hujjatiga tayanib.
“2100 nafar ukrainalik askar 2024-yil oxirigacha Fransiyada ikki oylik jangovar tayyorgarlikdan o‘tishi kutilmoqda”, deyiladi OAV xabarida.
Ushbu “soni bo‘yicha misli ko‘rilmagan” kontingent Fransiyada jihozlangan ukrainalik mutaxassislarni tayyorlash markazlarida joylashtiriladi. Ba’zi harbiylar tanklarni boshqarish bo‘yicha maxsus tayyorgarlikdan o‘tadilar, deya aniqlik kiritmoqda OAV.
Avvalroq Fransiya mudofaa vaziri Sebastyan Lekornu Ukrainada keskin askarlar yetishmasligini aytib, ukrainalik harbiylarni Yevropa Ittifoqi mamlakatlarida tayyorlashni eng muhim vazifa deb atagan edi. Fevral oyida Lekornu Fransiya yana bir “umumiy va maxsus tayyorgarlik doirasida 7-9 ming ukrainalik harbiyni” tayyorlash niyatida ekanligini aytdi.
May oyida Point gazetasi Fransiya 45 nafar ukrainalikka Sezar gaubitsalarini ishlatish bo‘yicha kurs o‘tkazganini xabar qilgan edi.
Qayd etilishicha, 2023 yilda Fransiya 350 nafar ukrainalik askarni o‘z artilleriyasidan foydalanishga o‘rgatgan. Umuman olganda, mamlakatda 10 ming ukrainalik uchun harbiy tayyorgarlik tashkil etildi.
Izoh (0)