To‘liq metrajli film yaratishda bir necha ketma-ket ish bosqichlari talab qilinadi. Birinchidan, muallif kelajakdagi film g‘oyasi ustida uzoq vaqt ishlaydi, keyin ssenariy mualliflari jamoasi birgalikda film uchun taxminiy syujet yaratadi. Ssenariy doimiy ravishda yangilanadi. Va nihoyat yakuniy tayyorgarlik va ma’qullashdan so‘ng aktyorlar kastingi va rejissyor tanlash boshlanadi.
Ammo ba’zida vaziyat butunlay boshqacha bo‘ladi. Ba’zida rejissyorlar o‘zining asl loyihalariga shunchalik singib ketishadiki, ssenariy haqida unutishadi. Ko‘pincha rejissyorlar suratga olish maydonchasidayoq syujetdagi voqealarni o‘zgartira boshlaydi.
“Begona 3” (1992)
Ridli Skott va Jeyms Kemerondan keyin film davomini suratga olish qiyin edi. Prodyuserlar uzoq vaqt uchinchi qismga rejissyor topa olishmaydi. Va nihoyat Devid Fincherni ishga olishadi va unga pulni tejashni tayinlaydilar. Ammo hech kim ssenariy yo‘qligi bilan qiziqmaydi ham.
“Qora libosli odamlar 3” (2012)
Film ustida ish boshlangan paytda ssenariy yo‘q edi. Syujet yo‘l-yo‘lakay ishlab chiqilgan. Prodyuserlar, yozuvchilar, rejissyorlar va aktyorlar har bir sahna uchun doim bahslashishgan.
“Yura davri parki 3” (2001)
Film syujeti ish davomida yoziladi, aktyorlar suratga olish kunida ssenariy matnini olishadi, tayyorgarlik uchun vaqt va personajlarning rivojlanishi haqida tasavvur ham yo‘q edi. Sahnalar ketma-ketliksiz suratga olingan.
“Karib dengizi qaroqchilari: dunyo chegarasida” (2007)
Rejissyor Gor Verbinski va uning jamoasi suratga olish vaqtida franshizaning uchinchi qismi ustida ishlaydi, shunda ijodiy guruh filmning davomida qanday manzara bo‘lishi kerakligini tushunishlari mumkin edi. Natijada filmning 3-qismi haqida zarracha tasavvurga ega bo‘lmasdan, suratga olish ishlari boshlanadi.
“Go‘zal ayol” (1990)
Dastlabki ssenariy zerikarli va tushkun edi, shuning uchun suratga olish ishlari noma’lum muddatga to‘xtatiladi. Garri Marshall film syomkasini o‘z zimmasiga olganida, syujetning yakuniy g‘oyasi ham yo‘q edi. Gohida u aktyorlarga matn berib, gohida esa improvizatsiya qilishga ruxsat etgan holda filmni yakunlaydi.
“Kelajak chegarasi” (2014)
Rejissyor Dag Layman faqat umumiy tushunchalar va personajlarni qoldirib, ssenariyning katta qismini tashlab yuboradi. Film suratga olish jarayonida rejissyor hamma narsani o‘zi o‘ylab topadi.
“Temir odam” (2008)
Film ssenariysi doimo o‘zgarib turgan. Natijada dastlabki ssenariy rejissyor Jon Favro suratga olish joyida yaratgan syujet matnidan ancha farqlanib qoladi. Shunday qilib, aktyorlar, prodyuserlar va rejissyorlar filmni tezda bir joyga jamlaydi, kameralar ishga tushishidan oldin sahnalar va dialoglar o‘sha yerning o‘zida yaratiladi.
Izoh (0)