Shavkat Mirziyoyev raisligida o‘tayotgan videoselektor yig‘ilishida paxta-to‘qimachilik klasterlarining moliyaviy barqarorligi bilan bog‘liq masalalar ko‘rib chiqildi. Bu haqda prezident matbuot kotibi xabar berdi.
Ularga berilgan imtiyozli kredit muddati 2025-yil 1-aprelgacha uzaytirilishi belgilandi. O‘tgan yili paxta yetishtirish uchun olingan kreditni muddatida to‘liq qaytargan klasterlarga imtiyozli kreditning 8 foizi qaytariladi.
Bu yil paxta xaridi uchun imtiyozli kredit klasterlarning ip-yigiruv korxonalariga beriladi. Klasterlar sotib olingan paxta tozalash zavodi qiymatining kamida 35 foizini to‘lasa, bu mulkni garovga qo‘yishga ruxsat beriladi.
Mutasaddilarga chuqur tahlil qilib, iqtisodiy samarasiz, moliyaviy majburiyati yuqori bo‘lgan klasterlar maqomini qayta ko‘rib chiqish zarurligi ko‘rsatib o‘tildi.
Eslatib o‘tamiz, aprel oyida klasterlarni qo‘llab-quvvatlashning yangi mexanizmlari ishlab chiqilishi to‘g‘risida xabar berilgandi. O‘shanda ayrim klasterlarga esa biroz ko‘mak berilsa, unumdorlik va eksport yanada oshishi aytilgan edi.
Izoh (0)