MG (Morris Garages) — Britaniya avtomobil brendi O‘zbekiston bozoriga rasman kirib kelmoqda.
Brend distribyutori Machinery motors investment group bo‘lib, 2024-yil kuzda avtomobillar savdosini boshlashni rejalashtirmoqda.
MG haqida
MG kompaniyasi yengil avtomobillar ishlab chiqaradi. Kompaniyaga 1924-yilda Buyuk Britaniyada asos solingan. MG sport avtomobillari bir necha bor tezlik rekordlarini o‘rnatgan. Rekordlardan birini qariyb 40 yil mobaynida hech kim yangilay olmagan. Shu bois kompaniya sport avtomobillari bilan mashhur.
MG avtomobillari 2007-yildan beri Xitoyda ishlab chiqariladi va mamlakatning SAIC davlat konserniga tegishli.
Kompaniya mamlakatda bir nechta Yevropa va Xitoy avtomobil modellarini ishlab chiqaradi . 2023-yilda SAIC butun dunyo bo‘ylab 7 milliondan ortiq avtomobil sotdi. Ulardan 1 milliontasi MG avtomobillariga to‘g‘ri keladi.
Modellar
O‘zbekistonda MG avtomobillari sotuvi boshlangach, dastlab 4 ta model taqdim etiladi:
– MG ZS ixcham krossoveri;
– MG HS o‘rta o‘lchamli krossoveri;
– MG 7 sport liftbeki;
– Cyberster elektr rodsteri.
Keyinroq bozorga MG4 EV elektr xetchbeki ham kirib keladi.
Ayni paytda O‘zbekistonda avtomobillar sertifikatlash jarayonidan o‘tmoqda. Ularning texnik tavsiflari va narxlari haqida batafsil maʼlumot sotuv boshlanishiga yaqin eʼlon qilinadi.
Kafolat muddati
O‘zbekistonda rasmiy dilerlar tomonidan sotiladigan barcha MG avtomobillari uchun ishlab chiqaruvchi tomonidan 5 yillik kafolat beriladi.
Barcha rasmiy dilerlarda ishlab chiqaruvchilar standartlariga muvofiq avtomobillarga xizmat ko‘rsatish uchun servis shoxobchalari bo‘ladi.
Dilerlar
Savdo boshlanishiga qadar Toshkentdagi bir nechta rasmiy dilerlar mijozlar uchun o‘z eshiklarini ochadi. Yaqin kunlarda Samarqand, Namangan va boshqa shaharlarda ham avtosalonlar o‘z ishini boshlaydi.
“Bizda 2024 va 2025-yillar uchun savdo hajmi hamda dilerlar soni bo‘yicha ulkan rejalar mavjud. Shu sababli salonlarni ochish uchun yangi hamkorlar bilan ishlashga tayyormiz, ayniqsa Toshkentdan tashqarida”, — deydi distribyutor bosh direktori Konstantin Valixovskiy.
MG ishlab chiqaruvchilari kelgusida O‘zbekiston avtomobil bozori o‘sishiga kuchli ishonmoqda.
“Biz O‘zbekistonda uzoq muddat qolishni reja qilganmiz. Yaqin kelajakda mamlakatda avtomobil ishlab chiqarish zavodini ochish imkoniyatini ham ko‘rib chiqamiz. Ishonchimiz komilki, mijozlar avtomobillarimiz sifati va dizaynini, shuningdek, yuqori darajadagi xizmat ko‘rsatishni yaxshi baholaydi”, — dedi SAIC konsernining ishlab chiqarish bo‘yicha vakillaridan biri.
Sayt: mg-motor.uz/
Instagram: mgmotoruzbekistan
Telegram: MG_Motor_Uz
Reklama huquqi asosida.
Izoh (0)