Fransiya prezidenti Emmanuel Makron bosh vazir Gabriel Attalning iste’fosini qabul qildi. Ammo Attal va uning kabineti hukumatning yangi rahbari tayinlangunga qadar Parijdagi Olimpiya o‘yinlari davomida o‘z lavozimlarida qoladi. Bu haqda AP Photo xabar berdi.
Iste’foga chiqayotgan hukumatning vakolatlari cheklangan. Attal va uning kabineti faqat joriy ishlarni tezlashtirish uchun javob beradi, ular hech qanday siyosiy qaror qabul qila olmaydi. Attalning iste’foga chiqishi Uyg‘onish partiyasining avval Yevroparlamentga, keyin esa Fransiya parlamentiga bo’lib o‘tgan saylovlardagi natijalari bilan bog‘liq. Parlament saylovlarida g‘alaba qozongan “Yangi xalq fronti” so‘l bloki yangi bosh vazir nomzodi bo‘yicha kelishuvga erishmadi.
34 yoshli Attal shu yilning yanvarida Elizabet Born o‘rniga bosh vazir etib tayinlangandi. U Fransiya tarixidagi eng yosh bosh vazir bo‘ldi. Fransiya parlamentiga saylovning ikkinchi bosqichi 7-iyul kuni bo‘lib o‘tdi. Uning natijalariga ko‘ra, so‘l “Yangi xalq fronti” parlamentda 182-o‘rinni, Makronning “Birgalikda!” koalitsiyasi esa 168-o‘rinni, Marin Le Pen boshchiligidagi “Milliy birlashuv” esa 143-o‘rinni egallagandi.
Izoh (0)