“Ijtimoiy tarmoqlarda, matbuotda feyk va dezinformatsiyalarning soni ortib borayotganligiga guvoh bo‘lyapmiz” – Komil Allamjonov

Prezident administratsiyasi Axborot siyosati departamenti rahbari Komil Allamjonov davlat va nodavlat tele, radiokanallar hamda boshqa OAV rahbarlari bilan uchrashuv o‘tkazdi.

Uchrashuvda tele va radiokanallar, umuman OAV va mediatarmoqlar oldidagi dolzarb muammolar, yangi trendlar, matbuotning yaqin kelajakdagi holati, shuningdek, milliy kontent yaratish ishlari atroflicha muhokama qilindi.

So‘nggi vaqtlarda OAV va media vakillari o‘z faoliyatlarida sensatsion materiallarga urg‘u berayotganligi, taʼbni xira qiluvchi turli noxush vaziyatlar, shu jumladan, qotillik, o‘lim bilan bog‘liq hodisalarni bo‘rttirib ko‘rsatish tendensiyasi kuzatilmoqda. Qolaversa, ijtimoiy tarmoqlarda, matbuotda feyk va dezinformatsiyalarning soni ortib borayotganligiga ham guvoh bo‘lyapmiz. 

Shu nuqtayi nazardan, bu kabi nosog‘lom media muhitni o‘zgartirish, xususan, sohada qonunchilikni takomillashtirish, jurnalist etikasini tartibga solish masalalari yuzasidan fikr-mulohazalar almashildi”, deb yozadi Prezident administratsiyasi Axborot siyosati departamentining rahbari.