FIFA Argentina terma jamoasi futbolchilarining harakatlarini tekshiradi.
Amerika Kubogi finalida Argentina Kolumbiyani mag‘lub etdi. Ushbu g‘alabani nishonlash chog‘ida futbolchilar Fransiya terma jamoasi o‘yinchilari haqida haqoratomuz qo‘shiq kuyladi.
“Ular Fransiya uchun o‘ynaydi, lekin ularning barchasi Angoladan keladi. Ularning onalari nigeriyalik, otalari kamerunlik, lekin pasportlarida “fransuz” deb yozilgan.
Ushbu qo‘shiq aytilgan jonli efirni Argentina terma jamoasi va “Chelsi” yarim himoyachisi Enzo Fernandes ijtimoiy tarmoqlarga joylashtirgan, biroq ko‘p o‘tmay translyatsiyani to‘xtatib qo‘ygan.
Fransiya futbol federatsiyasi Janubiy Amerika terma jamoasi futbolchilarining xatti-harakati yuzasidan shikoyat qildi.
“FIFA ijtimoiy tarmoqlarda tarqalgan videodan xabardor va voqea tekshirilmoqda. FIFA har qanday shaxs, jumladan, futbolchilar, muxlislar va rasmiylar tomonidan kamsitishning har qanday shaklini keskin qoralaydi”, — deyiladi xalqaro tashkilot bayonotida.
Izoh (0)