G‘azoda yarim millionga yaqin aholi oziq-ovqat taqchilligiga duch kelmoqda. Bu haqda BMT bosh kotibi Antoniu Guterrishning Xavfsizlik kengashining Yaqin Sharq bo‘yicha yig‘ilishiga tayyorlangan bayonotida aytiladi.
Matnda, shuningdek, anklavga yoqilg‘i yetkazib berishdagi uzilishlar suv, gigiyena vositalari va sog‘liqni saqlash xizmatlaridan foydalanish imkoniyatini keskin kamaytirgani ta’kidlanadi.
“Mojaro tomonlari bu muammolarni hal qilish uchun zudlik bilan o‘z xatti-harakatlarini tubdan o‘zgartirishi kerak”, dedi u.
Guterrish, shuningdek, garovga olinganlarni ozod qilish va o‘t ochishni to‘xtatish bo‘yicha kelishuvga erishish bo‘yicha muzokaralar muvaffaqiyat bilan davom etayotganini aytdi.
“Tomonlar hozir kelishuv tuzishi kerak. G‘azodagi gumanitar inqiroz barchamiz uchun o‘chmas dog‘dir”, dedi BMT rahbari.
Izoh (0)