Yoz faslida jazirama havo to‘lqinlaridan najot topish istagida ko‘pchilik muzqaymoq iste’mol qilishga odatlangan. Ushbu shirinlikni sevuvchilarga shifokor-diyetolog Tatyana Zaletova o‘z tavsiyalarini berib o‘tdi.
Muzqaymoq yuqori kaloriyali mahsulot bo‘lib, uni kuniga 70-100 grammgacha yeyish tavsiya etiladi, chunki 100 gramm qaymoqli muzqaymoqda 180 kilokaloriya, plombirda esa 230-240 kilokaloriya mavjud. Shunday bo‘lsa-da, mutaxassisning fikricha, parhezga rioya etadiganlar o‘zlarini muzqaymoqdan cheklashi shartmas. Asosiysi, kundalik me’yorga e’tibor berish kifoya.
O‘z vaznini doimiy nazorat qiladigan va muntazam parhezga amal qiladigan shaxslarga kunlik me’yor 70-100 grammni tashkil etadi. Kaloriyalarni hisoblamaydigan qolgan shirinliksevarlar bir kunda 2 ta muzqaymoq iste’mol qilishi mumkin.
Muzqaymoqlar ichida eng kam kaloriyalisi bu mevali muzqaymoq bo‘lib, uni uyda tayyorlash ham mumkin. Buning uchun blenderda mevalarni ezib, pyure hosil qiling, so‘ng massani silikon shakllarga solib, muzlatkichga bir necha soatga qo‘ying.
Ammo muzqaymoq biz o‘ylagandek tanaga sovuqlik beradigan va issiqlikdan xalos etadigan mahsulot emas, chunki u organizm sovishiga emas, balki qizg‘in ishlashiga sabab bo‘ladi.
Bunday shirinlik vaqtinchalik salqinlik beradi va oshqozonga tushgandan so‘ng, muzqaymoqdagi yuqori kaloriya hazm qilish tizimini jadal ishlashga va ko‘proq energiya sarf qilishiga undaydi.
Izoh (0)