Ambani zargarlik buyumlari kolleksiyasi, asosan, qimmatbaho zumradlardan iborat bo‘lib, bu nodir toshlar oilaning sevimlisiga aylangan.
Hindistonning eng boy odami Mukesh Ambanining kichik o‘g‘li — Anant va Radhika Merchantning to‘y sanasi yaqinlashar ekan, Ambani oilasining taqinchoqlari tobora ko‘proq e’tiborga tusha boshladi.
Hind madaniyatida zumradlar qadimdan beri qayta tug‘ilish, unumdorlik va yoshlik bilan bog‘lanadi. Mukeshning rafiqasi Nita Ambani, shubhasiz, oilaviy kolleksiyada zargarlik buyumlariga alohida ahamiyat beradi va hatto mamlakat aholisining badavlat qatlamlari orasida zumradni ommalashtirgan. 2024-yilning mart oyida u o‘zining sevimli zumrad marjonini o‘g‘li Anantning to‘y oldi tadbirida taqib olgandi — bu marjonning qiymati 48-60 million dollarni tashkil qiladi. Zumradga qo‘shimcha ravishda brilliantlarni o‘z ichiga olgan bezak bu oilaning qimmatbaho toshlarga bo‘lgan muhabbatini yaqqol namoyish etadi.
Nita, shuningdek, 2016-yilda hindistonlik biznes-magnatning o‘g‘li Shashvat Goenka va Shivika Jxunjxunvalaning to‘yiga olmos bilan bezatilgan uchta zumraddan iborat marjon taqib borgandi. Nitaning bu zumrad taqinchoqlarni qayta-qayta tanlashi Ambani oilasining zumradga bo‘lgan abadiy muhabbatini yana bir bor ta’kidlaydi.
8-iyul kuni to‘y oldidan Xildi marosimi bo‘lib o‘tdi. O‘sha kuni kuyovning opasi Isha bir paytlar onasiga tegishli bo‘lgan olmos, zumrad va brilliantlardan yasalgan tarixiy marjonni taqib yurgan. Ishaning boshqa aksessuarlari orasida sarg‘ish rangdagi katta sirg‘alar va bilaguzuklar, shuningdek, uning ko‘kragiga qadalgan va hind zargarlari tomonidan tayyorlangan oltin taqinchoqlar zamonaviy ansamblni to‘ldirdi.
Ambani oilasining eng ajoyib zargarlik buyumlari (jumladan, Ishaning marjonlari ham) Viren Bhagatning iste’dodli qo‘llari bilan yaratilgan. Mumbay shahridan bo‘lgan bu to‘rtinchi avlod shaxsiy zargar o‘zining Art Deco va Mughal elementlarini birlashtirgan noyob dizaynlari bilan mashhur bo‘lib, u jahon elitasi va zargarlik buyumlarini biluvchilarning sevimlisi hisoblanadi. Nita Ambani mart oyida o‘zining to‘y oldi ziyofatida taqqan zumraddan yasalgan marjonlari uning ijod namunalaridan biridir.
2024-yil mart oyida Anant Ambani va Radhika Merchantga bag‘ishlangan to‘y oldi tadbirida Isha marjon, sirg‘a va uzukdan iborat ajoyib zumrad kolleksiyada ko‘rinish berdi. Yorqin yashil zumradlar va Ishaning qizil libosi o‘rtasidagi keskin farqqa qaramay, u shohona, ulug‘vor va didli ko‘rinardi.
Radxikaning kelinlik zargarlik buyumlari batafsil aks ettirilgan to‘y fotosuratlari endi tayyorlanar ekan, bir narsa aniqki, uning taqinchoqlari orasida har qanday brilliantga qaraganda yorqinroq porlashi mumkin bo‘lgan to‘q yashil zumradlar albatta bo‘ladi.
Izoh (0)