Rossiyaning Orenburg viloyatiga olib kirilmoqchi bo‘lgan O‘zbekistondan keltirilgan mevalar partiyasida sharq kuyasi aniqlandi, deb xabar qildi “Rosselxoznadzor”.
Orenburg viloyatidagi omborxonada 13,68 tonna o‘rik va 2,59 tonna olxo‘ri, jami 16 tonnadan ortiq meva bor edi. Ular O‘zbekistonning Namangan viloyatidan olib kelingani aytilmoqda.
“Fitosanitariya nazorati chog‘ida Yevrosiyo iqtisodiy ittifoqi hududida tarqalishi cheklangan karantin zararkunandasi, yaʼni sharq kuyasi aniqlandi”, deyiladi “Rosselxoznadzor” xabarida.
Ushbu mahsulotlarni Rossiyaga olib kirish taqiqlandi.
Ma’lumot uchun, sharq kuyasi qurtlari shaftoli, olxo‘ri, o‘rik, olma, nok, behi, olcha, gilosning meva va kurtaklariga zarar yetkazadi. Shu bilan birga, ular hosilni 50 dan 100 foizgacha yo‘q qilishga qodir.
Izoh (0)