MDH Parlamentlararo assambleyasi xalqaro kuzatuvchilari joriy yilning oktyabr oyida O‘zbekiston Oliy Majlisi Qonunchilik palatasi va mahalliy kengashlarga bo‘lib o‘tadigan saylovlarni kuzatib borishda ishtirok etishga taklif qilindi. Bu haqda Oliy Majlis Senati axborot xizmati xabar bermoqda.
Oliy Majlis Senati raisi boshchiligidagi O‘zbekiston parlamenti delegatsiyasi Sankt-Peterburg shahrida o‘tkazilgan BRIKSning X parlament forumining “Gumanitar va madaniy sohalarda parlamentlararo hamkorlik” mavzusidagi yalpi majlisida ishtirok etgan.
Forum doirasida MDH Parlamentlararo assambleyasi (PA) kengashining yig‘ilishi o‘tkazilgan.
Kengash yig‘ilishida Hamdo‘stlik mamlakatlaridagi saylov jarayonlarini monitoring qilishga katta e’tibor qaratildi. Xususan, Rossiya va Ozarbayjondagi prezidentlik saylovlari hamda Belarusdagi parlament saylovini monitoringida Parlamentlararo assambleya xalqaro kuzatuvchilari faoliyati ko‘rib chiqilgan.
Yig‘ilish ishtirokchilari MDH PAning siyosiy masalalar va xalqaro hamkorlik hamda mudofaa va xavfsizlik masalalari bo‘yicha doimiy komissiyalarining faoliyati to‘g‘risidagi ma’lumotlarni eshittirilgan.
Parlament a’zolari milliy delegatsiyalarning barcha mulohazalarini inobatga olgan holda MDH Parlament assambleyasida kuzatuvchi maqomi to‘g‘risidagi nizom loyihasi ma’qullangan.
Marosim davomida Tanzila Norboyeva Qozog‘iston, Belarus, Hindiston, Ozarbayjon va Rossiya, BAA parlamenti mulozimlari bilan uchrashuvlar o‘tkazgan.
Ma’lumot uchun, Parlamentlararo ittifoqning 150-yubiley assambleyasini 2025-yilda O‘zbekistonda o‘tkazilish rejalashtirilishgan.
Izoh (0)